Læknahúsið Dea Medica í samstarfi við Orkuhúsið hafa undirritað samning við Sjúkratryggingar Íslands varðandi lýðheilsutengdar skurðaðgerðir.
Það er nýmæli að tvö sjálfstætt starfandi heilbrigðisfyrirtæki taki höndum saman og geri sameiginlegan samning við Sjúkratryggingar. Fyrirtækin styrkja hvort annað í gæðamálum og þjónustu við sjúklinga.
Við fögnum því að þessi langtímasamningur sé kominn á, þar sem hann tryggir samfellu í þjónustu við sjúklinga og varanlega greiðsluþátttöku til framtíðar.
Samningurinn, sem er sá fyrsti sinnar tegundar, er afrakstur opins innkaupaferlis og markar tímamót í samstarfi ríkisins við einkarekna heilbrigðisþjónustu.
Helsta markmið samningsins er að bæta aðgengi sjúklinga að nauðsynlegri þjónustu, stytta biðlista og létta álagi af opinberum sjúkrahúsum.
Fyrir sjúklinga þýðir þessi nýi samningur aukinn fyrirsjáanleika og greiðari aðgang að mikilvægum og lífsbætandi aðgerðum með greiðsluþátttöku sjúkratrygginga.
Fyrir utan almennt heilbrigði þá þarf einstaklingurinn þarf að uppfylla ákveðin skilyrði til að fá greiðsluþátttöku Sjúkratrygginga við brjóstaminnkunaraðgerð:
– líkamsþyngdarstuðull 28,0 kg/m2 eða lægri.
– lágmarks brjóstvefur sem þarf að fjarlægja skv. þar til gerðum skala.
– notar ekki nikótín.
– 40 ára og eldri skulu hafa farið í brjóstaskimun að hámarki sex mánuðum fyrir aðgerð.
Frétt á vef Sjúkratrygginga Íslands
