Læknar á Dea Medica leggja mikla áherslu á að velja eingöngu hágæða brjóstapúða sem eru framleiddir á fullkomnasta hátt og uppfylla ýtrustu gæðakröfur eftirlitsaðila.
Miklar framfarir hafa orðið í framleiðslu brjóstapúða undanfarin ár. Eldri gerðir af brjóstapúðum má kalla sem þriðju kynslóð brjóstapúða, en samkvæmt skilgreiningu sem tekur tillit til framleiðsluaðferða, hreinleika og öryggi eru þeir púðar sem notaðir eru á Dea Medica sjötta kynslóð brjóstapúða.
Motiva brjóstapúðarnir ( https://motiva.health/ ) eru hannaðir á þann hátt að tryggja öryggi og gæði til lengri tíma. Motiva púðarnir eru framleiddir úr silíkoni frá einum stærsta silíkonframleiðanda í heimi sem er staðsettur í Bandaríkjunum og er með 30 ára reynslu á því sviði.
Púðinn er hannaður sem ein heild svo minni líkur eru á því að rof komi í púðann til lengri tíma. Brjóstapúðarnir eru 100% fylltir og því er minni hætta á að fellingar (rippling) komi á húðina eftir ígræðslu. Púðarnir eru sterkir og teygjanlegir og henta því vel fólki sem stundar líkamsrækt eða er athafnasamt.
Í Motiva brjóstapúðanum er örflaga sem hægt er að skanna með sérstöku tæki til að sjá tegund og stærð brjóstapúðans eftir ígræðslu. Þetta hjálpar læknum að áætla stærð nýrra brjóstapúða ef ætlunin er að skipta um púða. Í örflögunni er ekki batterí eða annar búnaður, eingöngu talnaruna sem heilbrigðisfólk getur lesið úr upplýsingum. Fólk skráir brjóstapúðana sína á heimasíðu Motiva til að auka öryggi og hafa yfirlit yfir gerð brjóstapúðans. Það er þó valkvætt að skrá púðana.
Hægt er að fá Motiva ERGONOMIX brjóstapúða sem er mýkri og henta fyrir þá sem vilja náttúrulegra útlit eftir brjóstaígræðslu. Ergonomix brjóstapúðinn verður oft fyrir valinu hjá þeim sem vilja að brjóstið líti sem eðlilegast út eftir brjóstaígræðslu. Með Ergonomix púðum er möguleiki á að fá sem minnst ör, niður í 2,5-3,0 cm undir brjóstinu.
